निवडणूक रणधुमाळी: उमेदवारी अर्ज भरण्यास वेग; आज दुपारी २ वाजेपर्यंत १९ जणांचे नामनिर्देशन पत्र दाखल
अकोला, (दि. ६ मार्च): आगामी निवडणुकांच्या पार्श्वभूमीवर राजकीय घडामोडींना वेग आला असून, उमेदवारी अर्ज (नामनिर्देशन पत्र) दाखल करण्यासाठी इच्छुकांनी मोठी गर्दी केली आहे. प्रशासनाकडून मिळालेल्या माहितीनुसार, आज शुक्रवार, दि. ०६ मार्च २०२६ रोजी दुपारी २:०० वाजेपर्यंत एकूण १९ उमेदवारांनी आपले नामनिर्देशन पत्र निवडणूक निर्णय अधिकाऱ्यांकडे सुपूर्द केले आहेत.
अर्ज दाखल करणाऱ्या उमेदवारांमध्ये राजकीय क्षेत्रातील दिग्गजांसह डॉक्टर, वकील आणि महिला उमेदवारांचाही लक्षणीय सहभाग दिसून येत आहे.
आज दुपारी २:०० वाजेपर्यंत नामनिर्देशन पत्र दाखल केलेल्या उमेदवारांची यादी खालीलप्रमाणे आहे:
१. डॉ. पुजा रमाकांत खेतान २. श्री. सुनिल माणिकलाल इन्नाणी ३. श्री. गोवर्धन कृष्णराव वाघाडे ४. श्रीमती अखतरबी शेख हनीफ ५. श्री. महेंद्र समाधान गवई ६. श्री. मुबीन उल्लाह खान तकदीर खान ७. श्री. लंगोटे शंकर भाऊराव ८. श्री. सुनिल तुकाराम मेश्राम ९. अॅड. देवाशिष सुधाकर काकड १०. सौ. चंदा कैलाशचंद्र शर्मा ११. श्री. गिरीष दिनेश गोखले १२. श्री. सैय्यद यासीन सैय्यद इसाक १३. श्रीमती अलमदीहा फातेमा रिय्याज खान लोधी १४. श्री. रिय्याज खान फत्तेह खान १५. श्री. आबीद खान जावेद खान १६. श्री. लोणारे सुरज राजेंद्र १७. श्री. आकाश श्रीकृष्ण कवडे १८. श्री. इलीयास खान अलीयार खान १९. सौ. पुजा प्रविण काळे
निवडणूक प्रक्रियेचा भाग म्हणून अर्ज भरण्याच्या शेवटच्या दिवसापर्यंत ही गर्दी आणखी वाढण्याची शक्यता वर्तवली जात आहे. दाखल झालेल्या अर्जांची छाननी आणि त्यानंतर माघार घेण्याच्या प्रक्रियेनंतरच अंतिम उमेदवारांचे चित्र स्पष्ट होणार आहे. त्यामुळे आता कोणत्या पक्षातर्फे कोण रिंगणात उतरणार आणि कोण अपक्ष म्हणून नशीब आजमावणार, याकडे सर्व नागरिकांचे लक्ष लागून आहे.